අධ්‍යාපනයේ ජාතික අරමුණු ඉටුවන පරිදි 21 වන සියවයසේ ඕනෑම අභියයෝගයකට මුහුණදිය හැකි වන පරිදි පුර්ණ පෞරුෂයක් සහිත දරු පිරිසක් බිහිකිරීම සඳහා පාසල පදනම් කරගත් සැළසුම් සහගත වැඩ පිළිවෙලක් පාසල තුළ ක්‍රියාත්මක කළ යුතුය. ලාංකීය අධ්‍යාපන ප්‍රතිපත්ති වලට අනුකූල වෙමින් පාසල් විෂය මාලාව, විෂය සමගාමී හා විෂය බාහිර වැඩසටහන් තුළින් සමබර පෞරුෂත්වයකින් හෙබි අනාගත ලෝකය ජයගතහැකි ශ්‍රී ලාංකීය අනන්‍යතාවයක් සහිත යහපත් දරුවෙකු සමාජයට දායාද කිරීම දහා සිසු කුසලතා වර්ධනය වන පරිදි ප්‍රදේශයේ සංස්කෘතියට ගැළපෙන පරිදි පාසල සංවර්ධනය කිරීමට දායක වීම අපයේ අරමුණයි. නව ලොවට ගැළපෙන ආකාරයට සාම්ප්‍රදායික ක්‍රමවලින් බැහැරව නිර්මාණාත්මක ක්‍රියාකාරකම් සහිත ඉගෙනුම් ඉගැන්වීම් ක්‍රියාවලිය තුළින් දරුවන්ගේ අධ්‍යාපන මට්ටම මෙන්ම නිපුණතා සංවර්ධනයද ඉහළ නැංවීමට වැදගත් වේ. ඒ අනුව පාසල පිළිබඳ නවතම ප්‍රවෘත්ති යාවත්කාලීන කිරීමට ර/අමුහේන්කන්ද ශ්‍රී විමලසාර මහා විද්‍යාලයේ ශිෂ්‍ය වෙබ් නිර්මාණ කණ්ඩායම ලබාදෙන දායකත්වය පිළිබද මගේ සුබ පැතුම් පිරිනැමීමට කැමැත්තෙමි.

 

නියෝජ්‍ය විදුහල්පති,

පූජ්‍ය බුද්ධංකෝට්ටේ සුමනචන්ද්‍ර නා හිමි